*اوچماق ایسته ییرم* اوچماق ایسته ییرم، من، ائله اوچماق قاناد وئرمه سه ده طبیعت منه قوجماق ایسته ییرم، دونیانی قوجماق وئردی بو آرزونو محبت منه محبت قاناددیر گزیر هر یئری اولمایان قدرتی او وئریر بیزه گوزله گورونمه ین درینلیک لری محبت گوستریر گوزلریمیزه محبت اوزومو درک ائدیم دییه منی یئردن آلیب قالدیریر گویه اوچماق ایسته ییرم یالنیز زیروه دن سئیر ائدیم بو گونو، اوتن چاغلاری او قده ر اوجالیم، یوکسه لیم کی من گورمه ییم یئرده کی خیردالیقلاری اوچماق ایسته ییرم
↧