*****************
سيزلايير احواليما صبحه قدر تاريم منيم
تكجه تاريم دير قارا گونلرده غمخواريم منيم
چوخ وفالd دوسلاريم واردير،يامان گون گلجه يين
تاردان اوزگه قالمايير ياري وفاداريم منيم
يئر توتوب غمخانه ده،قيلديم فراموش عالمي
من تارين غمخواري اولدوم ،تاردا غمخواريم منيم
گوزلريمه هر تبسم سانجيلير نئشتر كيمي
كيپريگي خنجردي ،آه،اول بي وفا ياريم منيم
آسمان آلدي كناريمدان آي اوزلو ياريمي
ياش توكر اولدوز كيمي بو چشم خونباريم منيم
اي بو غملي كونلومون تاب و توني ،سويله بير
عهدو پيمانين نه اولدو ،نولدو ايلغاريم منيم
شهريارم گرچه من سوز مولكونون سلطانييم
گوز ياشيمدان باشقا يوخدور دووري شهواريم منيم.
شاعر:استاد شهريار
********************